Policia e Kosovës, respektivisht Njësia për Hetimin e Krimeve të luftës arrestoi të martën një person me inicialet T.B nën dyshimin për kryerjen e veprës penale të e veprës penale të Krimeve të luftës.

Mirëpo, një ditë më vonë, (sot) me urdhër të Prokurorisë Speciale të Kosovës(PSRK), i njëjti është urdhëruar të lirohet, raporton Arbresh.info.

Sipas Prokurorisë Speciale nuk ekzistojnë bazat ligjore për caktimin e paraburgimit ndaj personit të ndaluar, andaj edhe është urdhëruar lirimi i tij i menjëhershëm.

“Me urdhër të Prokurorisë Speciale të Republikës së Kosovës, gjatë ditës së djeshme, 10.10.23, është ndaluar personi me inicialet T.B. për shkak të dyshimit se i njëjti është i përfshirë në kryerjen e veprës penale të e veprës penale të Krimeve të luftës. Prokuroria Speciale njofton se pas shqyrtimit të kallëzimit penal të Policisë së Kosovës, respektivisht Njësia për Hetimin e Krimeve të luftës, kjo prokurori ka vlerësuar se nuk ekzistojnë bazat ligjore për caktimin e paraburgimit ndaj personit të ndaluar, andaj PSRK ka urdhëruar lirimin e tij të menjëhershëm”, thuhet në njoftimin e PSRK-së.

I njëjti ishte ndaluar gjatë ditës së djeshme 10.10.23, për shkak të dyshimit se është i përfshirë në kryerjen e veprës penale të Krimeve të luftës./Arbresh.info/